Memleket basshysy Qasym-Jomart Toqaev Qytai Halyq Respýblikasynyń Qazaqstandaǵy Tótenshe jáne ókiletti elshisi Chjan Siaomen kezdesti, dep habarlaidy Aqorda.
Kezdesý barysynda Qasym-Jomart Toqaev Qazaqstan men Qytai arasyndaǵy qarym-qatynastardyń qarqyndy damyp kele jatqanyna toqtalyp, eki el halyqtarynyń igiligi jolyndaǵy bailanystardyń odan ári nyǵaia túsetinine senim bildirdi.
Tótenshe jáne ókiletti elshi Chjan Siao Qasym-Jomart Toqaevqa Qazaqstan Respýblikasynyń Prezidenti laýazymyna kirisýine bailanysty Qytai Halyq Respýblikasynyń Tóraǵasy Si Tszinpinniń quttyqtaýyn jetkizip, dostyq pen strategiialyq seriktestik rýhyndaǵy eki jaqty yntymaqtastyqty damyta túsýge kúsh salatynyn aitty.
