Qazaqstan Prezidenti Qasym-Jomart Toqave Qyrǵyzstandaǵy bolyp jatqan jaǵdaidy muqiiat baqylap otyr, dep habarlaidy "Ult aqparat" Prezidenttiń baspasóz hatshysy Berik Ýálige silteme jasap.
«Qazaqstan Prezidenti Qyrǵyzstandaǵy bolyp jatqan jaǵdaidy muqiiat baqylap otyr. Memleket basshysy baýyrlas kórshi eldegi ahýal Qyrǵyz Respýblikasynyń ishki sharýasy dep esepteidi. Qasym-Jomart Toqaev bul jaǵdai jýyq arada eldiń qoldanystaǵy zańy aiasynda sheshiletinine úmittenedi», dep jazdy Berik Ýáli Facebook-tegi paraqshasynda.
Eske salaiyq, keshe Qyrǵyz Respýblikasynyń Memlekettik ulttyq qaýipsizdik komitetiniń arnaiy jasaǵy eldiń burynǵy prezidenti Almazbek Atambaevty Qoi-Tash aýylyndaǵy úiinde ustaý operatsiiasyn júrgizgeni habarlandy.
Keiin atys bolǵany málim etilip, Shý oblystyq IIBB-niń jedel tergeý toby militsiiaǵa túsken qońyraý boiynsha oqiǵa ornyna attandy.
Sol jerde 45 adam zardap shekken. Túngi saǵat 03:00-degi jaǵdai boiynsha, olar Bishkek qalasy men Shý oblystyq birikken aýrýhanalaryna túrli jaraqatpen jetkizilgen.
Aita ketsek, buǵan deiin Jogorký Kenesh eldiń eks-prezidentinen qol suqpaýshylyq mártebesin alyp tastaý týraly sheshim qabyldaǵan bolatyn. Atambaevqa qatysty depýtattar tarapynan taǵylǵan aiyptardy zertteý boiynsha arnaiy depýtattyq komissiia quryldy. Komissiia jumysynyń nátijesinde oǵan 6 epizod boiynsha aiyp taǵý sheshimi qabyldandy. Alaida Bas prokýratýra komissiianyń jumysyn zań turǵysynan baǵalai kele, tek bes epizodty qaldyrdy.
