قازاقستان پرەزيدەنتٸ قاسىم-جومارت توقاۆە قىرعىزستانداعى بولىپ جاتقان جاعدايدى مۇقييات باقىلاپ وتىر, دەپ حابارلايدى "ۇلت اقپارات" پرەزيدەنتتٸڭ باسپاسٶز حاتشىسى بەرٸك ۋەليگە سٸلتەمە جاساپ.
«قازاقستان پرەزيدەنتٸ قىرعىزستانداعى بولىپ جاتقان جاعدايدى مۇقييات باقىلاپ وتىر. مەملەكەت باسشىسى باۋىرلاس كٶرشٸ ەلدەگٸ احۋال قىرعىز رەسپۋبليكاسىنىڭ ٸشكٸ شارۋاسى دەپ ەسەپتەيدٸ. قاسىم-جومارت توقاەۆ بۇل جاعداي جۋىق ارادا ەلدٸڭ قولدانىستاعى زاڭى اياسىندا شەشٸلەتٸنٸنە ٷمٸتتەنەدٸ», دەپ جازدى بەرٸك ۋەلي Facebook-تەگٸ پاراقشاسىندا.
ەسكە سالايىق, كەشە قىرعىز رەسپۋبليكاسىنىڭ مەملەكەتتٸك ۇلتتىق قاۋٸپسٸزدٸك كوميتەتٸنٸڭ ارنايى جاساعى ەلدٸڭ بۇرىنعى پرەزيدەنتٸ المازبەك اتامباەۆتى قوي-تاش اۋىلىنداعى ٷيٸندە ۇستاۋ وپەراتسيياسىن جٷرگٸزگەنٸ حابارلاندى.
كەيٸن اتىس بولعانى مەلٸم ەتٸلٸپ, شۋ وبلىستىق ٸٸبب-نٸڭ جەدەل تەرگەۋ توبى ميليتسيياعا تٷسكەن قوڭىراۋ بويىنشا وقيعا ورنىنا اتتاندى.
سول جەردە 45 ادام زارداپ شەككەن. تٷنگٸ ساعات 03:00-دەگٸ جاعداي بويىنشا, ولار بٸشكەك قالاسى مەن شۋ وبلىستىق بٸرٸككەن اۋرۋحانالارىنا تٷرلٸ جاراقاتپەن جەتكٸزٸلگەن.
ايتا كەتسەك, بۇعان دەيٸن جوگوركۋ كەنەش ەلدٸڭ ەكس-پرەزيدەنتٸنەن قول سۇقپاۋشىلىق مەرتەبەسٸن الىپ تاستاۋ تۋرالى شەشٸم قابىلداعان بولاتىن. اتامباەۆقا قاتىستى دەپۋتاتتار تاراپىنان تاعىلعان ايىپتاردى زەرتتەۋ بويىنشا ارنايى دەپۋتاتتىق كوميسسييا قۇرىلدى. كوميسسييا جۇمىسىنىڭ نەتيجەسٸندە وعان 6 ەپيزود بويىنشا ايىپ تاعۋ شەشٸمٸ قابىلداندى. الايدا باس پروكۋراتۋرا كوميسسييانىڭ جۇمىسىن زاڭ تۇرعىسىنان باعالاي كەلە, تەك بەس ەپيزودتى قالدىردى.
