Búgin elordada ótken ulyqtaý rásiminen keiin Qazaqstan Prezidenti - QR Qarýly Kúshteriniń Joǵarǵy Bas qolbasshysy Qasym-Jomart Toqaev QR QK ókilderiniń saltanatty sherýin qabyldady, dep habarlaidy "Ult aqparat".
Atap aitqanda, Qarýly Kúshter ókilderiniń saltanatty sherýi Táýelsizdik saraiy aldynda ótti.
«Joǵarǵy Bas qolbasshysy myrza, áskerler Qazaqstan Respýblikasynyń Prezidentin ulyqtaý rásimine orai sapqa turǵyzyldy», - dedi Qorǵanys ministri, general-maior Nurlan Ermekbaev.
Budan buryn habarlanǵandai, búgin elordada Táýelsizdik saraiynda ótken ulyqtaý rásiminde Memleket basshysy Qasym-Jomart Toqaev Qazaqstan halqyna ant berdi.
Saltanatty sharadan keiin Prezident elimizdegi ózekti máselelerge qatysty atqarylatyn sharalar týraly aityp berdi.
