Foto: Aqorda
Memleket basshysy jedelhatta Korol kúni merekesinde kórinis tapqan ulttyq yntymaq pen birlik qundylyqtarynyń arqasynda Niderland aldaǵy ýaqytta da ósip-órkendei beretinine senim bildirdi.
– Qazaqstan – gollandyqtardyń óneri men mádenietinde tamyr jaiǵan qyzǵaldaqtyń túp otany. Búginde ol halyqtarymyz arasyndaǵy dostyqtyń simvolyna ainaldy. Biz Niderlandpen aradaǵy ýaqyt tezinen ótken qarym-qatynasty joǵary baǵalaimyz ári qos halyqtyń igiligi úshin túrli saladaǵy seriktestikti odan ári nyǵaitýǵa beiilmiz, – delingen hatta.
Qasym-Jomart Toqaev Villem-Aleksandrdyń igi bastamalaryna tabys, sondai-aq Korol otbasy men Niderland halqyna baq-bereke tiledi.
