Parlament Senatynyń Tóraǵasy Qasym-Jomart Toqaev Qazaqstandaǵy diplomatiialyq missiiasynyń aiaqtalýyna bailanystyQHR Elshisi Chjan Hanhýeidi qabyldady.
Q.Toqaev Qazaqstan men QHR arasyndaǵy strategiialyq áriptestikti nyǵaitýdaǵy memleket basshylary Nursultan Nazarbaev pen Si Tszinpinniń mańyzdy rólin atap ótti.
Q.Toqaev keiingi jyldary nátijeli ári qarqyndy sipatqa ie bolǵan parlamentaralyq bailanystardy ekijaqty qatynastardyń mańyzdy quramy retinde atady. Parlament joǵarǵy Palatasynyń basshysy únqatysýdyń jalǵasatynyna senim bildirdi jáne Halyq Ókilderiniń Búkilqytai Jinalysy Turaqty komitetiniń Tóraǵasy Li Chjanshýdy bizdiń elimizge saparmen kelýge shaqyrdy.
Senat Tóraǵasy saýda-ekonomikalyq bailanystardy odan ári nyǵaitýdyń jáne ónerkásip, aqparat tehnologiialary, qurylys salalaryndaǵy birlesken jobalardy iske asyrýdyń keleshegin joǵary baǵalady. Ulttyq «Nurly jol» jáne qytaidyń «Jibek joly ekonomikalyq beldeýi» bastamasynyń úilesim tabýy aiasynda eki eldiń kólik-tranzit áleýetin paidalaný aýqymdy múmkindikter týǵyzady.
Q.Toqaevtyń pikirinshe, eki el basshylarynyń biylǵy maýsymda ShYU aiasyndaǵy Tsindaoda bolatyn kelissózderiniń mańyzy zor bolady.
.jpeg)