Sýret: Aqorda
Memleket basshysy Qasym-Jomart Toqaevtyń Otan qorǵaýshy kúnimen quttyqtady.
Prezident elimizdegi beibitshilik pen tynyshtyqty saqtap, qasterli qundylyqtardy ornyqtyra túsý úshin bul merekeniń mańyzy zor ekennin alǵa tartty.
"Qadirli otandastar! Sizderdi Otan qorǵaýshy kúnimen quttyqtaimyn! Áskeri boryshty óteý Otanǵa degen shynaiy súiispenshiliktiń jarqyn kórinisi ekeni anyq. Halyqqa qaltqysyz qyzmet etý – árbir adal azamattyń perzenttik paryzy.
Qazaqstan ulttyq múddeni qorǵaýǵa, aýmaqtyq tutastyqty saqtaýǵa jáne turaqtylyqty qamtamasyz etýge basa mán beredi. Aibyndy armiiamyz egemendigimizdiń kepili, memlekettiligimizdiń myzǵymas tiregi sanalady", – dedi Toqaev.
Memleket basshysynyń aitýynsha, elimizdiń qorǵanys qabiletin kúsheitý jáne áskeri qyzmetkerlerdi qoldaý qashanda memlekettik saiasattyń basym baǵyty bolyp qala beredi.
"Biz áskerimizdiń áleýetin oqý-jattyǵý jiyndarynda ǵana emes, naqty mindetterdi júzege asyrý barysynda da kórip júrmiz. Alapat tasqyn el-jurtqa qaýip tóndirgende, sarbazdarymyz aldyńǵy shepten tabyldy. Olar ózderine júktelgen mindetti minsiz atqaryp, otanshyldyqtyń ozyq úlgisin kórsetti. Qarýly Kúshterimizdiń mereii ústem bolsyn! Barshańyzǵa zor densaýlyq, baq-bereke tileimin!", – dep qorytty ol.
