Foto: turkistan.today
Memleket basshysy Qasym-Jomart Toqaev Amal kúnimen quttyqtady, dep habarlaidy Ult.kz.
"Qurmetti otandastar! Sizderdi áz-Naýryzdyń bastaýy – Amal kúnimen shyn júrekten quttyqtaimyn!
Amal kelgende amandyq bilisý – kóne zamannan jalǵasqan airyqsha dástúrimiz.
Qystan shyǵyp, shýaqty kóktemge aman jetken aǵaiyn osy kúni bir-birimen kórisedi. Jastar úlkenderge sálem berip, qariialardyń batasyn alady. Halqymyz ejelden osyndai ǵuryptar arqyly baýyrmaldyq pen janashyrlyqty, tatýlyq pen meiirimdilikti dáriptep, urpaqtyń boiyna asyl qasietterdi sińire bilgen. Munyń bári qazirgi Qazaqstannyń Adal azamat tujyrymdamasymen tolyq úndesedi.
Búginde Naýryz meiramy aldyndaǵy kórisý ǵurpy qaita jańǵyryp, jalpyulttyq sipat ala bastady. Osy biregei dástúrimiz elimizdiń yrysty yntymaǵy men berekeli birligin nyǵaita túsedi dep senemin.
Ár shańyraq shattyq pen qýanyshqa kenelsin!
Barshańyzǵa zor densaýlyq, baq-bereke tileimin!
Aidan aman, jyldan esen bolaiyq!", - dep jazdy Prezident.
