Foto: Aqorda
Qasym-Jomart Toqaev Qazaqstan Respýblikasy Prezidenti Arhiviniń jańa ǵimaratyna bardy. Memleket basshysynyń tapsyrmasyna sai arhiv Almatydan Astanaǵa kóshirildi, dep habarlaidy Ult.kz.
Arnaýly ǵimaratta muraǵat qoimasy, zerthanalar, interaktivti ekspozitsiia jáne oqyrman zaldary, jumys bólmeleri men ákimshilik aýmaq ornalasqan.
Mundaǵy 24 muraǵat qoimasy qaǵaz júzindegi qujattardy, dybystyq-beinelik jazbalardy saqtaýǵa, sondai-aq shaǵyn taspalardaǵy jáne elektrondyq qujattardy saqtandyrý qoryn ornalastyrýǵa arnalǵan.
Foto: Aqorda
Prezident Arhivinde Qazaqstannyń 1918 jyldan bergi saiasi tarihyna qatysty qujattardyń mol qory jinaqtalǵan.
Atap aitqanda, qorda elimizdiń táýelsiz memleket retinde qalyptasýy, syrtqy jáne ishki saiasaty, halyqaralyq qatynastary, ekonomikalyq qaita qurý úrdisteri men áleýmettik-mádeni damýy boiynsha materialdar bar.
Foto: Aqorda
