Prezident Qasym-Jomart Toqaev Qatar Ámiri sheih Tamim ben Hamad Ál Tánimen telefon arqyly sóilesti, dep habarlaidy Aqorda.
Áńgime basynda memleketter basshylary birin-biri qasietti Ramazan aiynyń bastalýymen quttyqtady.
Kóshbasshylar Qazaqstan men Qatar arasyndaǵy yntymaqtastyqtyń qazirgi jaǵdaiyn talqylap, ony odan ári qarai damytýdyń qolaily perspektivalar bar ekenin atap ótti.
Taraptar ózara saýda-sattyqtyń oń qarqynyn odan ári saqtaýǵa jáne investitsiialyq jobalardy, sonyń ishinde bank jáne qarjy salalaryndaǵy jobalardy júzege asyrýǵa nietti ekenin naqtylady.
Qazaqstan Prezidenti Qatardyń jetekshi biznes ókilderin ekonomikanyń basty salalaryndaǵy birlesken jobalardy iske asyrýǵa belsene atsalysýǵa shaqyrdy.
Qatar Ámiri kópjaqty yntymaqtastyqty odan ári keńeitýge daiyn ekenin aityp, osy baǵytta naqty sharalar qabyldaý qajettigin atap ótti. Sheih Tamim ben Hamad Ál Táni Qazaqstanǵa jasaityn memlekettik saparyn daiyndaý úshin resmi ókilderin jiberýge nietti ekenin jetkizdi.
