Foto: Aqorda
Prezidentke vedomstvonyń 2025 jyly atqarǵan qyzmetiniń basty nátijeleri men aldaǵy kezeńge arnalǵan mindetteri jóninde esep berildi, dep habarlaidy Ult.kz.
1135 qylmystyq is boiynsha tergeý aiaqtalyp, jábirlenýshilerge 141,5 milliard teńge ótelgen. 128 milliard teńgeden astam qarajatty qolma-qol aqshaǵa aiyrbastaýmen shuǵyldanǵan 15 qylmystyq top pen 29 alańnyń kózi joiyldy.
Esirtki satýdan jáne alaiaqtyq jolmen tapqan aqshany jylystatqan 22 astyrtyn kriptoalmasý qyzmetine tosqaýyl qoiyldy. Esirtki tabysyn zańdastyrýǵa qatysy bar 1,1 myńnan astam zańsyz onlain kriptovaliýta aiyrbastaý qyzmeti men 20 myń drop‑karta buǵattaldy.
Qarjy sektorynda zańsyz kiristi jylystatýmen ainalysty degen kúdikke ilikken 2 myń kompaniiamen jáne 56 myń adammen iskerlik qarym-qatynas toqtatyldy.
53 infraqurylymdyq joba boiynsha 264,2 milliard teńge biýdjet qarjysyn negizsiz shyǵyndaýǵa, taýar birjasy basshylyǵynyń 2 milliard teńge zańsyz syiaqy alý shemasyna tosqaýyl qoiý arqyly áleýmettik mańyzy bar kómir baǵasynyń spekýliativtik ósýine jol berilmedi.
Agenttik qyzmetkerleri kontrabandalyq jolmen shetelge 102 myń tonna benzin shyǵarý áreketin áshkerelep, janar-jaǵarmai tapshylyǵynyń aldyn aldy.
Halyqty onlain-kazinolardan saqtandyrý sharalary jóninde málimet berildi. Atap aitqanda, tólem qyzmetterin usynatyn 35 uiymnyń kómegimen 2,1 trillion teńge qarajat zańsyz ainalymda júrgeni anyqtaldy.
Tabiǵi resýrstardy barlaý jumystaryn atqarmasa da, 437 jer qoinaýyn paidalanýshyǵa 625 jer telimin berý, sondai-aq 382 myń tonnadan astam zańsyz óndirilgen paidaly qazbany shyǵarý faktileri tirkeldi.
MÁMS júiesinde kórsetilgen qyzmetterdiń sanyn qoldan kóbeitý, sonyń ishinde qaitys bolǵan adamdarǵa jalǵan meditsinalyq kómek kórsetý arqyly 26 milliard teńge shyǵyn keltirý faktisi málim boldy.
Memleket basshysy Agenttik qyzmetiniń negizgi baǵyttary boiynsha birqatar tapsyrma berdi.
