Memleket basshysy Qasym-Jomart Toqaev Izraildiń Premer-Ministri Biniamin Netaniahýmen telefon arqyly sóilesti. Bul týraly Aqordanyń baspasóz qyzmetinen málim etti, dep habarlaidy "Ult aqparat".
Áńgimelesý barysynda Biniamin Netaniahý Qasym-Jomart Toqaevty Qazaqstan Prezidenti qyzmetine kirisýimen quttyqtap, el igiligi jolynda tabys tiledi.
Eki eldiń basshylary ekijaqty qatynastardyń ózekti máseleleri jóninde pikir almasyp, qorǵanys tehnologiiasy salasyndaǵy yntymaqtastyq úshin jaqsy múmkindikterdiń bar ekenin aitty.
Qasym-Jomart Toqaev Izrail Premer-Ministriniń 2016 jylǵy Qazaqstanǵa jasaǵan saparynyń tabysty bolǵanyna toqtalyp, joǵary deńgeidegi bailanystardy jalǵastyrýdyń mańyzdylyǵyn atap ótti.
