مەملەكەت باسشىسى قاسىم-جومارت توقاەۆ يزرايلدٸڭ پرەمەر-مينيسترٸ بينيامين نەتانياحۋمەن تەلەفون ارقىلى سٶيلەستٸ. بۇل تۋرالى اقوردانىڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
ەڭگٸمەلەسۋ بارىسىندا بينيامين نەتانياحۋ قاسىم-جومارت توقاەۆتى قازاقستان پرەزيدەنتٸ قىزمەتٸنە كٸرٸسۋٸمەن قۇتتىقتاپ, ەل يگٸلٸگٸ جولىندا تابىس تٸلەدٸ.
ەكٸ ەلدٸڭ باسشىلارى ەكٸجاقتى قاتىناستاردىڭ ٶزەكتٸ مەسەلەلەرٸ جٶنٸندە پٸكٸر الماسىپ, قورعانىس تەحنولوگيياسى سالاسىنداعى ىنتىماقتاستىق ٷشٸن جاقسى مٷمكٸندٸكتەردٸڭ بار ەكەنٸن ايتتى.
قاسىم-جومارت توقاەۆ يزرايل پرەمەر-مينيسترٸنٸڭ 2016 جىلعى قازاقستانعا جاساعان ساپارىنىڭ تابىستى بولعانىنا توقتالىپ, جوعارى دەڭگەيدەگٸ بايلانىستاردى جالعاستىرۋدىڭ ماڭىزدىلىعىن اتاپ ٶتتٸ.
