Prezident Qasym-Jomart Toqaev Germaniianyń Federaldyq Kantsleri Angela Merkelge kóńil aitý jedelhatyn joldady, dep habarlaidy "Ult aqparat" Aqordanyń baspasóz qyzmetine silteme jasap.
Memleket basshysy «Bernd» tsiklonynan týyndaǵan tolassyz jańbyr men sý tasqyny saldarynan kóptegen adamnyń qaza tapqany jáne zardap shekkeni týraly sýyt habardy tereń kúizelispen qabyldady.
– Osyndai aýyr sátte qaiǵy-qasiretterińizge ortaqtasyp, barsha qazaqstandyqtardyń jáne jeke ózimniń atymnan Sizge jáne jaqyndarynan aiyrylǵan otbasylarǵa, sondai-aq, búkil Germaniia halqyna qaiǵyra kóńil aitamyn. Tabiǵi apat kezinde jaraqat alǵandardyń tez arada saýyǵyp ketýine, al iz-tússiz joǵalǵandardyń otbasylaryna aman-esen oralýyna tilektestik bildiremin, – delingen jedelhatta.
Eske sala ketsek, Germaniianyń batys aýmaǵyna dúisenbiden bastap «Bernd» tsiklony nóser jaýyn ákeldi. Rein arnasynan shyǵyp jaǵada ornalasqan kóptegen qalany sý basty. Tabiǵi apat saldarynan qurban bolǵandar sany 59-ǵa jetti. Júzdegen adam habar-osharsyz ketti.
