Memleket basshysyn Fizýli qalasynyń áýejaiynda Ázerbaijan Prezidenti Ilham Áliev qarsy aldy. Bul týraly Aqordanyń baspasóz qyzmeti málimdedi.
Munda prezidentter Qurmanǵazy atyndaǵy Balalar shyǵarmashylyǵy ortalyǵynyń ashylý saltanatyna qatysady. Sondai-aq jergilikti halyqpen kezdesip, aldaǵy ýaqytta salynatyn Fizýli qalalyq Ortalyq aýrýhanasynyń jobasymen tanysady.
Budan keiin eki el basshylary Shýsha qalasyndaǵy áleýmettik-mádeni jáne basqa da nysandardy aralap kóredi.
Aita keteiik, buǵan deiin Qazaqstan Prezidenti Ázerbaijan Respýblikasyna memlekettik saparmen barǵanyn jazǵan bolatynbyz. Keshe Qasym-Jomart Toqaevty Ázerbaijan Prezidenti «Zagýlbada» qarsy aldy.
