Foto: Aqorda
«Ortalyq Aziia – Eýropa Odaǵy» sammitine qatysý úshin Samarqand qalasyna kelgen Qasym-Jomart Toqaev Eýropalyq Keńes Prezidenti Antoniý Koshtamen kezdesti, dep habarlaidy Ult.kz.
Eýropa Odaǵy – Qazaqstannyń iri saýda seriktesi ári sheteldik investory:
- - shetelden tartylǵan tikelei investitsiianyń 40%-dan astamy EO-ǵa tiesili;
- - 2024 jyly Qazaqstan men Eýropa Odaǵyna múshe elderdiń taýar ainalymy 50 mlrd dollarǵa jýyqtady (EO men OA arasyndaǵy saýda kóleminiń 80%-y).
Prezidentter ekonomikanyń túrli sektorlaryndaǵy kópjosparly yntymaqtastyqty odan ári nyǵaitý máselelerin qarastyrdy. Sondai-aq ózara senimge, strategiialyq múddege jáne uzaqmerzimdi perspektivaǵa negizdelgen Qazaqstan men Eýropalyq Keńes arasyndaǵy seriktestikti qarqyndy damytýdyń mańyzyn atady.
