Memleket basshysy Qasym-Jomart Toqaev Eýropalyq qaita qurý jáne damý bankiniń prezidenti Odil Reno-Bassomen kezdesti, dep habarlandy Aqordanyń resmi saitynda.
Onlain formatta ótken kezdesýde Qasym-Jomart Toqaev Odil Reno-Bassony Eýropalyq qaita qurý jáne damý bankine prezident bolyp sailanýymen quttyqtady.
Prezident Eýropalyq qaita qurý jáne damý banki Qazaqstannyń mańyzdy strategiialyq seriktesi dep baǵalap, ekijaqty yntymaqtastyq jyldarynda atalǵan institýt el ekonomikasyna 9 milliard dollardan astam investitsiia salǵanyn atap ótti. Bank Eýropa men Aziianyń naryq reformalaryn jáne kásipkerlik bastamalaryn qoldaýda mańyzdy ról atqardy.
Memleket basshysy Eýropalyq qaita qurý jáne damý banki el ekonomikasynyń basym baǵyttaryn aitarlyqtai damytýǵa septigi tiedi dep sanaitynyn jetkizdi. Áńgimelesý barysynda iri infraqurylymdyq jobalardy qarjylandyrý, atap aitqanda, avtomobil joldaryn salý, jańartylǵan energiia kózderin damytý, Qazaqstandaǵy gidroenergetika máseleleri talqylandy.
Odil Reno-Basso COVID‑19 pandemiiasynyń ǵalamdyq naryqqa jáne Qazaqstan ekonomikasyna tigizetin áseri jaiyndaǵy Eýropalyq qaita qurý jáne damý bankiniń boljamymen jáne baǵdarymen bólisti.
Onyń aitýynsha, bank Qazaqstan Úkimetimen tyǵyz yntymaqtastyq ornatýǵa jáne energetika, infraqurylym, investitsiia salalary boiynsha jobalardy belsendi damytýǵa daiyn.
