Memleket basshysy Qasym-Jomart Toqaev búgingi kadrlyq ózgeristerge qatysty pikir bildirdi, dep habarlaidy "Ult aqparat" Prezidenttiń Twitter paraqshasyna silteme jasap.
«Tájiribeli memlekettik qyzmetshi Qyrymbek Kósherbaev Marat Tájinniń ornyna Memlekettik hatshy laýazymyna taǵaiyndaldy. Uzaq jyldar boiy memleket isine sińirgen eńbegi úshin Marat Tájinge alǵys aitamyn. Onyń bilimi men biligi elimizdiń igiligine qyzmet ete beredi», - dep jazdy Qasym-Jomart Toqaev.
Ol sondai-aq, basqa da aýys-túiisterge qatysty pikir bildirdi.
«B.Atamqulov Indýstriia jáne infraqurylymdyq damý ministri laýazymyna aýystyryldy. Ol SIM ókilettiginiń keńeiýine bailanysty ministrliktiń qurylymyn qaita qurý boiynsha paidaly jumys atqardy. Tabysty eńbek jolynan ótken R.Skliar Premer-ministrdiń orynbasary bolyp taǵaiyndaldy», - deidi Memleket basshysy.
Eske sala keteiik, búgin Memleket basshysynyń Jarlyǵymen Erlan Qoshanov Qazaqstan Respýblikasy Prezidenti Ákimshiliginiń Basshysy qyzmetine taǵaiyndaldy. Marat Tájin basqa jumysqa aýysýyna bailanysty Qazaqstan Respýblikasynyń Memlekettik hatshysy qyzmetinen bosatyldy. Al Qyrymbek Kósherbaev - Qazaqstan Respýblikasynyń Memlekettik hatshysy, Roman Skliar - Qazaqstan Respýblikasy Premer-Ministriniń orynbasary boldy.
Sondai-aq, Beibit Atamqulov Qazaqstan Respýblikasynyń Indýstriia jáne infraqurylymdyq damý ministri, Muhtar Tileýberdi Qazaqstan Respýblikasynyń Syrtqy ister ministri qyzmetine taǵaiyndaldy.
