مەملەكەت باسشىسى قاسىم-جومارت توقاەۆ بٷگٸنگٸ كادرلىق ٶزگەرٸستەرگە قاتىستى پٸكٸر بٸلدٸردٸ, دەپ حابارلايدى "ۇلت اقپارات" پرەزيدەنتتٸڭ Twitter پاراقشاسىنا سٸلتەمە جاساپ.
«تەجٸريبەلٸ مەملەكەتتٸك قىزمەتشٸ قىرىمبەك كٶشەرباەۆ مارات تەجيننٸڭ ورنىنا مەملەكەتتٸك حاتشى لاۋازىمىنا تاعايىندالدى. ۇزاق جىلدار بويى مەملەكەت ٸسٸنە سٸڭٸرگەن ەڭبەگٸ ٷشٸن مارات تەجينگە العىس ايتامىن. ونىڭ بٸلٸمٸ مەن بٸلٸگٸ ەلٸمٸزدٸڭ يگٸلٸگٸنە قىزمەت ەتە بەرەدٸ», - دەپ جازدى قاسىم-جومارت توقاەۆ.
ول سونداي-اق, باسقا دا اۋىس-تٷيٸستەرگە قاتىستى پٸكٸر بٸلدٸردٸ.
«ب.اتامقۇلوۆ يندۋسترييا جەنە ينفراقۇرىلىمدىق دامۋ مينيسترٸ لاۋازىمىنا اۋىستىرىلدى. ول سٸم ٶكٸلەتتٸگٸنٸڭ كەڭەيۋٸنە بايلانىستى مينيسترلٸكتٸڭ قۇرىلىمىن قايتا قۇرۋ بويىنشا پايدالى جۇمىس اتقاردى. تابىستى ەڭبەك جولىنان ٶتكەن ر.سكليار پرەمەر-مينيستردٸڭ ورىنباسارى بولىپ تاعايىندالدى», - دەيدٸ مەملەكەت باسشىسى.
ەسكە سالا كەتەيٸك, بٷگٸن مەملەكەت باسشىسىنىڭ جارلىعىمەن ەرلان قوشانوۆ قازاقستان رەسپۋبليكاسى پرەزيدەنتٸ ەكٸمشٸلٸگٸنٸڭ باسشىسى قىزمەتٸنە تاعايىندالدى. مارات تەجين باسقا جۇمىسقا اۋىسۋىنا بايلانىستى قازاقستان رەسپۋبليكاسىنىڭ مەملەكەتتٸك حاتشىسى قىزمەتٸنەن بوساتىلدى. ال قىرىمبەك كٶشەرباەۆ - قازاقستان رەسپۋبليكاسىنىڭ مەملەكەتتٸك حاتشىسى, رومان سكليار - قازاقستان رەسپۋبليكاسى پرەمەر-مينيسترٸنٸڭ ورىنباسارى بولدى.
سونداي-اق, بەيبٸت اتامقۇلوۆ قازاقستان رەسپۋبليكاسىنىڭ يندۋسترييا جەنە ينفراقۇرىلىمدىق دامۋ مينيسترٸ, مۇحتار تٸلەۋبەردٸ قازاقستان رەسپۋبليكاسىنىڭ سىرتقى ٸستەر مينيسترٸ قىزمەتٸنە تاعايىندالدى.
