Foto: Aqorda
«Aqorda» rezidentsiiasynda jeti memlekettiń tótenshe jáne ókiletti elshileriniń Qazaqstan Prezidentine senim gramotalaryn tabystaý rásimi ótti, dep habarlaidy Ult.kz.
Senim gramotalaryn:
- Belarýs Respýblikasynyń elshisi Aleksei Bogdanov,
- Tailand Koroldiginiń elshisi Piiapin Niiomrerks,
- Moldova Respýblikasynyń elshisi Shtefan Gorda,
- Mianma Odaǵy Respýblikasynyń elshisi Tit Linn Oýn,
- Keniia Respýblikasynyń elshisi Piter Mýtýký Matýki,
- Albaniia Respýblikasynyń elshisi Blerta Kadzadesh,
- Italiia Respýblikasynyń elshisi Antonello de Riý tapsyrdy.
Memleket basshysy diplomattardy Qazaqstandaǵy missiialarynyń bastalýymen quttyqtap, elimizdiń olardyń qyzmetine jan-jaqty qoldaý kórsetetinin jetkizdi.
Qasym-Jomart Toqaev Qazaqstannyń beibit ári kópvektorly syrtqy saiasat ustanatynyn aitty. Prezidenttiń aitýynsha, halyqaralyq qatynastarda dialog pen yqpaldastyq qaǵidattary basshylyqqa alynýǵa tiis jáne BUU Jarǵysyn qatań saqtaý airyqsha mańyzdy.
