Foto: Aqorda
Qasym-Jomart Toqaev Birikken Ulttar Uiymyn reformalaý máselesine jaýapkershilikpen qaraýǵa shaqyrdy. Sonymen qatar Qaýipsizdik Keńesi turaqty músheleriniń ustanymyn Uiymdaǵy daǵdarystyń basty sebepteriniń biri retinde atady, dep habarlaidy Ult.kz.
– Birikken Ulttar Uiymyn reformalaý týraly aitqanda, barynsha pragmatikalyq kózqaras ustanýymyz kerek dep sanaimyn. Áitpese, aldaǵy ýaqytta da jolairyq, strategiialyq qundylyqtar men basqa máseleler jaiynda aita beremiz. Biz jahandyq, óńirlik kezdesýler, konferentsiialar men túrli jiyndar ótkizemiz. Qazaqstan jáne Túrkiia siiaqty orta derjavalardyń mańyzy men oń yqpalyn atap ótkim keledi. Árine, álemde bizge eshkim teń kelmeidi dep maqtanýdan aýlaqpyn. Biraq jahandyq úderisterde joǵary deńgeide jaýapkershilik tanytyp júrmiz. Muny diplomatiialyq is-áreketimiz kórsetip otyr. Sondyqtan jahandyq máselelerdiń sheshimine jii qarsy keletin Qaýipsizdik Keńesindegi iri derjavalardan góri orta derjavalardyń jaýapkershiligi joǵary desek, artyq bolmaidy, – dedi Memleket basshysy.
Kelesi suraqty qoiar aldynda Mevliýt Chavýshoǵly Qasym-Jomart Toqaevtyń diplomatiiadaǵy tájiribesiniń mol ekenine nazar aýdardy.
– Prezident Toqaev – halyqaralyq júieni, sonyń ishinde Birikken Ulttar Uiymyn óte jaqsy biletin álemdik kóshbasshylardyń biri. Ol BUU Bas hatshysynyń orynbasary laýazymynda qyzmet etkenin bilesizder. Sol ýaqytta men Eýropa Keńesi Parlamenttik assambleiasynyń tóraǵasy boldym. Qasym-Jomart Toqaev baýyrlas Qazaqstan halqynyń igiligi jolynda aianbai eńbek ete júrip, halyqaralyq júieniń tiimdiligin barynsha arttyrýǵa úles qosyp keledi, – dedi moderator.
