Oqý saýattylyǵyn damytý qazaqstandyq mektepterdegi bilim berý protsesiniń basym baǵyttarynyń birine ainalýy tiis. Bul týraly Ulttyq qoǵamdyq senim keńesiniń 4-otyrysynda Memleket basshysy Qasym-Jomart Toqaev aitty, dep habarlaidy QazAqparat.
«Biyl bilim berý júiesi teńdessiz qiyndyqtarǵa tap boldy. Pandemiia mektepterimizdegi oryn alǵan problemalalar men tsifrlyq infraqurylymdyq damytýdaǵy, sonymen qatar oqýshylardy kompiýtermen qamtýdaǵy teńgerimsizdikti kórsetip berdi. Bul máseleler ret-retimen sheshilip jatyr. Memleket mektepterimizdi sapaly bilim berý protsesimen qamtamacyz etý úshin barlyq qajetti sharalardy qabyldaýda. Bul oraida sizderdiń nazarlaryńyzdy mektep biliminiń mazmundyq jaǵyna nazar aýdartqym keledi. Bedeldi halyqaralyq zertteýlerdiń nátijesi oqýshylarymyzdyń oqý saýattylyq daǵdysynyń damýy laiyqty deńgeide emes ekendigin kórsetti», - dedi Memleket basshysy.
Sondyqtan da QR Prezidentiniń aitýynsha, oqýdyń joǵary mádenietin sińirý, oqý saýattylyǵyn damytý qazaqstandyq mektepterdegi bilim berý protsesiniń basym baǵyttarynyń birine ainalýy tiis.
«Oqýǵa qyzyǵýshylyq, kitap arqyly qorshaǵan álemdi taný balalardyń boiynda mektep qabyrǵasynan qalyptasýy tiis. Al kitaphanalar osynaý qyzyǵýshylyqtyń túiin ornyna, kitaptyń tartymdy álemine jol bastaýy bolýy tiis», - dedi Qasym-Jomart Toqaev.
