Memleket basshysy Qasym-Jomart Toqaev kelesi jyldan bastap engiziletin aýyl ákimderin sailaý júiesine qatysty pikir bildirdi, dep habarlaidy "Ult aqparat".
«Azamattar qandai da bir uzaqmerzimdi jaǵdaida emes, jaqyn arada memlekettik saiasattyń naqty nátijesin kórip, sezine bilýi tiis Halyqaralyq reitingterdegi kórsetkishter mańyzdy bolsa da ol azamattarǵa, olardyń áleýmettik kóńil-kúiine áser etpeitinin túsiný kerek», - dedi Qasym-Jomart Toqaev Ulttyq qoǵamdyq senim keńesiniń otyrysynda.
Prezident óz sózinde bastalǵan reformalardyń taǵy bir salmaqty komponenti – aýyl ákimderin tikelei sailaý ekenin aityp ótti.
«Ol sailaý Qazaqstan tarihynda birinshi ret ótkiziledi. Bul sailaý – tiimdi ári turaqty memlekettik institýttardy qurýdaǵy mańyzdy qadam bolmaq. Aýyldyq okrýg ákimderin tikelei sailap alý máselesine úlken jaýapkershilikpen keldik. Aýqymdy daiyndyq jumystary júrgizildi», - dedi ol.
Prezident 2020 jyly aýyldyq okrýgterdiń bárinde tórtinshi deńgeili biýdjetti engizý jumysy aiaqtalǵanyn málim etti.
