Foto: Aqorda
Prezident Qasym-Jomart Toqaev Óńirlik ekologiialyq sammittiń plenarlyq otyrysynda sóilegen sózinde sý qaýipsizdigi máselesi Qazaqstan ǵana emes, búkil Ortalyq Aziia úshin asa mańyzdy ekenin málimdedi. Memleket basshysy Aral teńiziniń taǵdyry tabiǵi resýrstardy utymsyz paidalanýdyń qandai zardaptarǵa ákeletinin aiqyn kórsetetinin atap ótti, dep habarlaidy Ult.kz.
«Aral teńizi salǵyrttyqtyń saldary qandai qasiretke ákelip soǵatynyn eske salyp turady. Sonymen qatar ol ǵylymi negizdelgen júieli sharalardyń arqasynda oń nátijege qol jetkizýge bolatynyn dáleldeidi», — dedi Prezident.
Memleket basshysynyń aitýynsha, qazirgi tańda Soltústik Aral teńiziniń shamamen 36 paiyzy qalpyna keltirilgen. Sý sapasy jaqsaryp, balyq qory artqan, bul óz kezeginde óńirdegi halyqtyń turmys-tirshiligine oń áserin tigizip otyr.
Sondai-aq Toqaev Halyqaralyq Araldy qutqarý qorynyń joǵary deńgeidegi kezekti otyrysy ótetinin habarlady. Jiynda Qazaqstannyń atalǵan uiymdaǵy úsh jyldyq tóraǵalyǵynyń qorytyndylary shyǵarylady.
