Áleýmettik jelide memleket basshysy Qasym-Jomart Toqaev pen Almaty ákimi Erbolat Dosaevqa uqsaityn er adamnyń videosy tarap, el nazaryn aýdardy. Jeli qoldanýshylary er azamattyń prezidentke de, sondai-aq ákimge de uqsastyǵyn aityp jatyr.
Atalmysh video Instagram jelisinde paida bolǵan. Beinejazbada toida ortaǵa bilep shyqqan er adamnyń asabany qatty tańǵaldyrǵanyn baiqaýǵa bolady. Toi júrgizýshisi oǵan prezident Qasym-Jomart Toqaevqa qatty uqsaitynyn birden aitty. Belgili bolǵandai, prezidentten ainymaityn azamattyń esimi - Erǵali.
Jeli qoldanýshylarynyń pikiri ekige jaryldy. Biri onyń prezidentke uqsaitynyn aitsa, biri Erbolat Dosaevqa uqsatyp jatty.
"Rasymen uqsaidy eken", "Ainymaidy ǵoi", "Týysy shyǵar", "Mássaǵan, qandai uqsastyq", "Tańǵalyp turmyn. Bir qaraǵanda sol kisi sekildi", "Ainymaǵan prezident", "Nedegen uqsastyq deseńshi", "Dosaevqa da keletin tustary bar eken", "Qasym-Jomart Dosaev", "Qatty uqsaidy", - dep jazýda kópshilik.
