Almaty oblysynda Aqan Sataevtyń aýqymdy ári kópten kútken jobasy - «Uly dala tańy» filminiń túsirilimi aiaqtaldy, dep habarlaidy "Ult aqparat" «Qazaqfilm» kinostýdiiasyna silteme jasap.
«Dostar, biz «Uly dala tańy» túsirilimin aiaqtadyq. Bizdiń komandanyń ár qatysýshysyna osy tamasha kezeń úshin, baǵa jetpes tájiribe úshin, eńbekterińiz ben kásipqoilyqtaryńyz úshin alǵys aitqym keledi», - dep jazdy film rejisseri Aqan Sataev jelidegi paraqshasynda.
Qazaq memleketiniń qalyptasýy týraly tarihi-patriottyq film QR Mádeniet jáne sport ministrliginiń qoldaýymen túsirildi. Týyndydaǵy basty rólderdi Berik Aitjanov, Daniiar Orazaev, Erik Joljaqsynov jáne Aidos Ábdiqadirov somdaidy.
Film 16 ǵasyrdaǵy Qazaq handyǵynyń bileýshisi - Qasym hannyń jetistikteri týraly baiandaidy.
Eske sala keteiik, maýsym aiynda QR Mádeniet jáne sport ministri Aqtoty Raiymqulova bastaǵan delegatsiia Almaty oblysy Qapshaǵai qalasynyń mańynda ornalasqan tarihi filminiń túsirilim alańynda boldy.
Keiin «Qazaqfilm» kinostýdiiasy Instagram paraqshasynda XVI ǵasyrdaǵy Qasym han áskeri men Shaibani jaýyngerleriniń aiqasy týraly kórinisti jariialaǵan edi.
