Almatydaǵy Qasteev atyndaǵy óner mýzeiiniń irgesinen salynǵan jańa turǵyn úi kesheniniń qurylysshysy óz esebinen arnaiy dybys azaitatyn júie ornatady, - dep habarlaidy Tengrinews.kz.
Mýzei ókiliniń aitýynsha, másele BAQ-ta jariialaǵannan keiin taraptar kelissóz ústeline otyryp, ony sheshý joldaryn talqylaǵan.
"Biz dybys azaitatyn arnaiy ekrandardy ornatý eń jaqsy nusqa degen qorytyndyǵa keldik. Olar tońazytqysh jabdyqtary ainalasyna qurylady. Is júzinde bul - osyndai jaǵdailarda keń taralǵan sheshimi. Qurylys salýshy qazirdiń ózinde esepteý júrgizetin mamandardy tartty. Keshe, 15 shildede qurylysshylar tirekterdi ornatýǵa daiyndyqty bastady. Kelisim nátijesi boiynsha jumys bastalyp ketti", - dedi mýzei bas direktorynyń orynbasary Nurjan Satybaldy.
Ol qurylys-montajdaý jáne ózge de jumystarǵa jumsalatyn barlyq shyǵyndy turǵyn úi kesheniniń qurylysshysy óz moinyna alatynyn atap ótti.
"Arnaiy ekran qoiylǵannan keiin dybys azaiady dep úmittenemiz. Tartylǵan sarapshylardyń aitýynsha, mundai qurylymdar tiimdiligi 30-dan 50 paiyzǵa deiin", - dedi Satybaldy.
Mýzei mańynda turǵyn úi keshenin salǵan EC Energy Qazaqstan kompaniiasy dybysty azaitatyn ekrandardy ornatýǵa shamamen 3-3,5 million teńge jumsalatyny habarlandy.
Eske salaiyq, 12 shildede Qasteev mýzeii jańa turǵyn úi keshenimen daýlasyp jatqany habarlanǵan bolatyn. Qala turǵyndary mýzei jeldetkishterinen shyǵatyn qatty dybysqa shaǵymdandy. Alaida mýzei qyzmetkerleri turǵyn úi kesheni kúzet aimaǵynda salynǵanyn, sondyqtan turǵyndar qiyn jaǵdaiǵa tap bolǵanyn aitqan.
