Pavlodarda ashana kassiri úsh jyl ishinde klientterden túsken 7,3 mln teńgeni zańsyz iemdengen. Ol tapsyrys aqysyn ashana shotynyń ornyna óziniń bank kartasyna qabyldap otyrǵan, dep habarlaidy ult.kz.
Sot materialdaryna sáikes, áiel ashanada 2014 jyldan beri jumys istegen. Alǵashynda naýbaishy bolǵan ol 2020 jyly kassir qyzmetine aýysqan.
Buǵan deiin ashanadaǵy qolma-qol aqshasyz tólemder mekeme iesiniń shotyna túsetin. Keiin qojaiyn klientterdiń tólemin jeke shotyna qabyldaýǵa tyiym salǵan. Osydan keiin kassir tapsyrys berýshilerge óziniń telefon nómirin berip, tólemderdi jeke shotyna qabyldai bastaǵan.
2020-2023 jyldary ol túsken qarajattyń bir bóligin ashana iesine ótkizbei, ózine alyp otyrǵan.
Kassirdiń áreketi 2024 jylǵy qańtarda áshkerelengen. Ol jumysqa shyǵa almaǵan kúni ornyna býhgalter kassaǵa otyrǵan. Sol kezde býhgalter klientterdiń tapsyrys aqysyn kassirdiń nómirine aýdaryp jatqanyn baiqap, bul týraly basshylyqqa habarlaǵan.
Osydan keiin kassirden bank shotynyń kóshirmesi suratylyp, klientterden túsken aýdarymdar tekserilgen. Nátijesinde ashanaǵa keltirilgen zalal 7,3 mln teńge ekeni anyqtalǵan.
Politsiia atalǵan derek boiynsha qylmystyq is qozǵady. Sotta burynǵy kassir kinásin moiyndap, sot úkimi shyqqanǵa deiin keltirilgen shyǵyndy tolyq ótegen.
Pavlodar soty áieldi kináli dep tanyp, oǵan 3 jyl 4 ai shartty jaza taǵaiyndady. Jaza QR jańa Konstitýtsiiasynyń qabyldanýyna orai jariialanǵan raqymshylyq týraly zań eskerilip belgilengen.
