Foto: lada.kz
16 mamyrda Aqtaýda Kaspii teńizinde sýǵa batyp ketken úsh jigittiń máiiti tabyldy. Marqumdardyń biri bir kún buryn, 15 mamyrda úilengen. Bul týraly Mańǵystaý oblysy Tótenshe jaǵdailar departamenti basshysynyń orynbasary Bekbolat Ábdiqadyrov aitty, - dep habarlaidy Tengrinews.kz agenttigi Lada.kz saityna silteme jasap.
Bekbolat Ábdiqadyrovtyń aitýynsha, qaitys bolǵan eki qaraǵandylyq Aqtaýǵa dosynyń toiyna kelgen. 16 mamyrda dostar teńizge shomylǵysy kelgen. Osylaisha úsheýi de sýǵa batyp ketken.
"Sýǵa túsken eki jigit bata bastaǵan, al ekeýi olardy qutqarýǵa umtylǵan. Dostaryn qutqarý úshin sekirip ketkenderdiń birin oqiǵa kýágerleri alyp shyqty. Ol - 26 jastaǵy Beineý qalasynyń turǵyny. Qazir jaǵdaiy qanaǵattanarlyq, dárigerlerdiń qaraýynan keiin úiine shyǵaryldy", - dedi Bekbolat Ábdiqadyrov.
