فوتو: lada.kz
16 مامىردا اقتاۋدا كاسپيي تەڭٸزٸندە سۋعا باتىپ كەتكەن ٷش جٸگٸتتٸڭ مەيٸتٸ تابىلدى. مارقۇمداردىڭ بٸرٸ بٸر كٷن بۇرىن, 15 مامىردا ٷيلەنگەن. بۇل تۋرالى ماڭعىستاۋ وبلىسى تٶتەنشە جاعدايلار دەپارتامەنتٸ باسشىسىنىڭ ورىنباسارى بەكبولات ەبدٸقادىروۆ ايتتى, - دەپ حابارلايدى Tengrinews.kz اگەنتتٸگٸ Lada.kz سايتىنا سٸلتەمە جاساپ.
بەكبولات ەبدٸقادىروۆتىڭ ايتۋىنشا, قايتىس بولعان ەكٸ قاراعاندىلىق اقتاۋعا دوسىنىڭ تويىنا كەلگەن. 16 مامىردا دوستار تەڭٸزگە شومىلعىسى كەلگەن. وسىلايشا ٷشەۋٸ دە سۋعا باتىپ كەتكەن.
"سۋعا تٷسكەن ەكٸ جٸگٸت باتا باستاعان, ال ەكەۋٸ ولاردى قۇتقارۋعا ۇمتىلعان. دوستارىن قۇتقارۋ ٷشٸن سەكٸرٸپ كەتكەندەردٸڭ بٸرٸن وقيعا كۋەگەرلەرٸ الىپ شىقتى. ول - 26 جاستاعى بەينەۋ قالاسىنىڭ تۇرعىنى. قازٸر جاعدايى قاناعاتتانارلىق, دەرٸگەرلەردٸڭ قاراۋىنان كەيٸن ٷيٸنە شىعارىلدى", - دەدٸ بەكبولات ەبدٸقادىروۆ.
