Foto: TJM
Kaspii teńizinde qatty jeldiń saldarynan ashyq sýǵa ketip qalǵan er adam der kezinde qutqaryldy. Ol jaǵadan shamamen 400 metr qashyqtyqta bolǵan, dep habarlaidy TJM baspasóz qyzmeti.
Tótenshe jaǵdailar ministrliginiń qutqarýshylary jaǵalaý boiynda patrýldeý kezinde teńiz ortasynda qalyp qoiǵan adamdy baiqap, jedel áreketke kóshken. Qutqarý toby oqiǵa ornyna tez jetip, qaiyqtaǵy azamatty jaǵaǵa aman-esen jetkizdi.
Anyqtalǵandai, er adam motory joq qaiyqpen sýǵa shyqqan. Kenetten soqqan qatty jel qaiyqty aǵysqa ilestirip, ashyq teńizge qarai alyp ketken. Sonyń saldarynan ol ózdiginen jaǵaǵa qaita orala almaǵan.
Qutqarylǵan azamatqa meditsinalyq kómek qajet bolmady.
TJM mamandary mundai jaǵdailardyń aldyn alý úshin sýǵa shyǵar aldynda qaýipsizdik talaptaryn qatań saqtaýǵa shaqyrady. Atap aitqanda, aýa raiy boljamyn aldyn ala tekserý, qutqarý keýdeshesin kiiý, tek tehnikalyq jaramdy qaiyqtardy paidalaný jáne qatty jel kezinde sýǵa shyqpaý qajet.
