فوتو: تجم
كاسپيي تەڭٸزٸندە قاتتى جەلدٸڭ سالدارىنان اشىق سۋعا كەتٸپ قالعان ەر ادام دەر كەزٸندە قۇتقارىلدى. ول جاعادان شامامەن 400 مەتر قاشىقتىقتا بولعان, دەپ حابارلايدى تجم باسپاسٶز قىزمەتٸ.
تٶتەنشە جاعدايلار مينيسترلٸگٸنٸڭ قۇتقارۋشىلارى جاعالاۋ بويىندا پاترۋلدەۋ كەزٸندە تەڭٸز ورتاسىندا قالىپ قويعان ادامدى بايقاپ, جەدەل ەرەكەتكە كٶشكەن. قۇتقارۋ توبى وقيعا ورنىنا تەز جەتٸپ, قايىقتاعى ازاماتتى جاعاعا امان-ەسەن جەتكٸزدٸ.
انىقتالعانداي, ەر ادام موتورى جوق قايىقپەن سۋعا شىققان. كەنەتتەن سوققان قاتتى جەل قايىقتى اعىسقا ٸلەستٸرٸپ, اشىق تەڭٸزگە قاراي الىپ كەتكەن. سونىڭ سالدارىنان ول ٶزدٸگٸنەن جاعاعا قايتا ورالا الماعان.
قۇتقارىلعان ازاماتقا مەديتسينالىق كٶمەك قاجەت بولمادى.
تجم ماماندارى مۇنداي جاعدايلاردىڭ الدىن الۋ ٷشٸن سۋعا شىعار الدىندا قاۋٸپسٸزدٸك تالاپتارىن قاتاڭ ساقتاۋعا شاقىرادى. اتاپ ايتقاندا, اۋا رايى بولجامىن الدىن الا تەكسەرۋ, قۇتقارۋ كەۋدەشەسٸن كييۋ, تەك تەحنيكالىق جارامدى قايىقتاردى پايدالانۋ جەنە قاتتى جەل كەزٸندە سۋعا شىقپاۋ قاجەت.
