Foto: lada.kz
Mańǵystaýlyqtar Kaspii teńiziniń jaǵasynda óli shaiandardyń kóbeigenin baiqaǵan. Osylaisha turǵyndar ekologiiaǵa alańdap jatqanyn jetkizgen, dep jazady lada.kz
3 mamyrda Aqtaý turǵyndary "Soldat" jaǵajaiyndaǵy sý tógetin kanaldan ondaǵan óli shaiandardy baiqaǵan.
Jergilikti azamattar Kaspii teńizi faýnasynyń jai-kúiine alańdaýda. Teńizdegi tirshilik ieleriniń ólekseleri keiingi ýaqytta jii shyǵatyn bolǵan. Alaida ýákiletti organdar olardyń ólim sebepteri týraly tolyq jaýap bermei otyr. Ázirge Mańǵystaý oblysynyń balyq inspektsiiasy men ekologiia departamentinen jaýap kútilýde eken.
Degenmen ekologtar buǵan deiin de teńiz sýyna táýelsiz sarapshylardyń qatysýymen synama júrgizilýge tiis ekenin aityp kelgen bolatyn.
