Kaspii jaǵalaýyndaǵy qamys órti áli tolyq sóndirilgen joq

Atyraý oblysynda Kaspii jaǵalaýyndaǵy 515 gektar aýmaqta qamys órti sóndirildi. Jalyndy joiý jumysy jalǵasýda, dep habarlaidy QazAqparat.

Oblystyq tótenshe jaǵdailar departamenti baspasóz qyzmetiniń málimetine qaraǵanda, qamys órtin sóndirý búgin, 14 qazanda qaita jalǵasty. Jergilikti ýaqytpen saǵat 09:00-ge deiin jaǵalaýda órtengen aýmaqtan jaqyn mańdaǵy eldi mekenderge tónip turǵan qaýip joq. 

«Ótken táýlikte 25 gektarda, onyń ishinde jeke quramnyń kúshimen 15 gektaraýmaqta órt oshaǵy joiyldy. Al, 10 gektardaǵy jalyn ózdiginen sóndi. Jaǵalaýdaǵy qamys órtiniń jalpy aýmaǵy 550 gektardy qurap otyr. Osy kezge deiin 515 gektarda órt sóndirildi» -dep málim etti departamenttiń baspasóz qyzmetinen. 

Qamys órtin sóndirýge departamenttiń jeke quramynan 31 adam, 5 tehnikasy, 4 motosorǵysh, 1 generator, 40 jeń, 1 úrlemeli shatyr tartylǵan.