كاسپيي جاعالاۋىنداعى قامىس ٶرتٸ ەلٸ تولىق سٶندٸرٸلگەن جوق

اتىراۋ وبلىسىندا كاسپيي جاعالاۋىنداعى 515 گەكتار اۋماقتا قامىس ٶرتٸ سٶندٸرٸلدٸ. جالىندى جويۋ جۇمىسى جالعاسۋدا, دەپ حابارلايدى قازاقپارات.

وبلىستىق تٶتەنشە جاعدايلار دەپارتامەنتٸ باسپاسٶز قىزمەتٸنٸڭ مەلٸمەتٸنە قاراعاندا, قامىس ٶرتٸن سٶندٸرۋ بٷگٸن, 14 قازاندا قايتا جالعاستى. جەرگٸلٸكتٸ ۋاقىتپەن ساعات 09:00-گە دەيٸن جاعالاۋدا ٶرتەنگەن اۋماقتان جاقىن ماڭداعى ەلدٸ مەكەندەرگە تٶنٸپ تۇرعان قاۋٸپ جوق. 

«ٶتكەن تەۋلٸكتە 25 گەكتاردا, ونىڭ ٸشٸندە جەكە قۇرامنىڭ كٷشٸمەن 15 گەكتاراۋماقتا ٶرت وشاعى جويىلدى. ال, 10 گەكتارداعى جالىن ٶزدٸگٸنەن سٶندٸ. جاعالاۋداعى قامىس ٶرتٸنٸڭ جالپى اۋماعى 550 گەكتاردى قۇراپ وتىر. وسى كەزگە دەيٸن 515 گەكتاردا ٶرت سٶندٸرٸلدٸ» -دەپ مەلٸم ەتتٸ دەپارتامەنتتٸڭ باسپاسٶز قىزمەتٸنەن. 

قامىس ٶرتٸن سٶندٸرۋگە دەپارتامەنتتٸڭ جەكە قۇرامىنان 31 ادام, 5 تەحنيكاسى, 4 موتوسورعىش, 1 گەنەراتور, 40 جەڭ, 1 ٷرلەمەلٸ شاتىر تارتىلعان.