Foto: Videodan alynǵan skrin
Atyraý oblysynda Kaspii teńiziniń jaǵalaýynda qamys órtengen edi. Atyraý oblystyq tótenshe jaǵdailar departamentiniń imidjdik jumys jáne syrtqy kommýnikatsiialar tobynyń málimetinshe, Búgin túnde qamys órti sóndirilgenin habarlady.
Qamys órti 1 mamyrda keshki saǵat 18:30 shamasynda anyqtalǵan. Jalyn Atyraý qalasynyń mańyndaǵy Tasqala aýylynan 40 shaqyrym qashyqtyqta tutanǵan.
Alaida qamys ósken aýmaqty sharpyǵan jalyndy sóndirýge birneshe jait kedergi keltirgen.
Birinshiden, qatty jeldiń saldarynan órt shamamen 450 gektar aýmaqqa jaiylǵan.
Ekinshiden, qamys 2-2,5 metr biiktikte ári qalyń ósken. Úshinshiden, jalyn batpaq pen sý bar aýmaqty sharpyǵan. Osyndai sebepter órt sóndirýshiler men arnaiy kólikterdiń jalynǵa jaqyndaýyn qiyndatqan.
– Búgin, 3 mamyrda saǵat 07:20-da Kaspii teńiziniń jaǵalaýyndaǵy qamys órti tolyqtai joiyldy. Tótenshe jaǵdailar departamenti men «Aqjaiyq» memlekettik tabiǵi rezervatynyń qyzmetkerleri 75 gektar aýmaqtaǵy órtti sóndirdi. Al 400 gektar aýmaqtaǵy jalyn ózdiginen óshti. Jalyn sharpyǵan aýmaǵy shamamen 475 gektardy qurady, -dep málim etti departamenttiń imidjdik jumys jáne syrtqy kommýnikatsiialar tobynan.– Búgin, 3 mamyrda saǵat 07:20-da Kaspii teńiziniń jaǵalaýyndaǵy qamys órti tolyqtai joiyldy. Tótenshe jaǵdailar departamenti men «Aqjaiyq» memlekettik tabiǵi rezervatynyń qyzmetkerleri 75 gektar aýmaqtaǵy órtti sóndirdi. Al 400 gektar aýmaqtaǵy jalyn ózdiginen óshti. Jalyn sharpyǵan aýmaǵy shamamen 475 gektardy qurady, -dep málim etti departamenttiń imidjdik jumys jáne syrtqy kommýnikatsiialar tobynan.
Órtti sóndirýge 101 adam, 21 tehnika tartylǵan. Onyń ishinde tótenshe jaǵdailar departamentinen 76 qyzmetker, 12 tehnika, «Aqjaiyq» memlekettik tabiǵi rezervatynan 25 adam, 9 tehnika bar.
Endi 15 qyzmetker táýlik boiy kezekshilik atqarady. Kezekshilikke 2 tehnika bólingen.
