Kaspii teńiziniń jaǵasynan tabylǵan itbalyqtar qysta qyrylǵan bolýy múmkin. Mundai boljamdy ekologiia, geologiia jáne tabiǵi resýrstar ministrligi jasady, dep habarlaidy Sputnik Qazaqstan.
"Teńiz janýarlary men bekire tuqymdas balyqtardyń ólekseleri qatty ydyrap ketken, sonyń saldarynan zertteýge tin synamasyn alýǵa múmkindik bolmady. Demek, olar qysta ólgen dep boljaýǵa bolady", - dep atap ótti ekologiia ministrligi balyq sharýashylyǵy komitetiniń baspasóz qyzmeti.
Aita keteri, 4 mamyrda Fort-Shevchenko teńiz portynyń jaǵalaý aimaǵynda Mańǵystaý oblysy boiynsha balyq inspektsiiasy basqarmasynyń qyzmetkerleri 64 óli itbalyq pen 5 óli bekire tuqymdas balyqty tapqan bolatyn.
Olar ólgen janýarlar tabylǵan jerden sý men aýa synamasyn aldy. Zertteý nátijesi bir ai ishinde jariialanady.
Qazir balyq inspektsiiasy jaǵalaý aimaǵy men Kaspii teńiziniń basqa bólikterinde monitoringjúrgizip jatyr.
Eske sala keteiik, biyl sáýir aiynyń sońynda Túpqaraǵan aýdanynda Kaspii teńiziniń jaǵalaýynan 97 itbalyqtyń óleksesi tabylǵan bolatyn.
