كاسپيي تەڭٸزٸنٸڭ جاعاسىنان تابىلعان يتبالىقتار قىستا قىرىلعان بولۋى مٷمكٸن. مۇنداي بولجامدى ەكولوگييا, گەولوگييا جەنە تابيعي رەسۋرستار مينيسترلٸگٸ جاسادى, دەپ حابارلايدى Sputnik قازاقستان.
"تەڭٸز جانۋارلارى مەن بەكٸرە تۇقىمداس بالىقتاردىڭ ٶلەكسەلەرٸ قاتتى ىدىراپ كەتكەن, سونىڭ سالدارىنان زەرتتەۋگە تٸن سىناماسىن الۋعا مٷمكٸندٸك بولمادى. دەمەك, ولار قىستا ٶلگەن دەپ بولجاۋعا بولادى", - دەپ اتاپ ٶتتٸ ەكولوگييا مينيسترلٸگٸ بالىق شارۋاشىلىعى كوميتەتٸنٸڭ باسپاسٶز قىزمەتٸ.
ايتا كەتەرٸ, 4 مامىردا فورت-شەۆچەنكو تەڭٸز پورتىنىڭ جاعالاۋ ايماعىندا ماڭعىستاۋ وبلىسى بويىنشا بالىق ينسپەكتسيياسى باسقارماسىنىڭ قىزمەتكەرلەرٸ 64 ٶلٸ يتبالىق پەن 5 ٶلٸ بەكٸرە تۇقىمداس بالىقتى تاپقان بولاتىن.
ولار ٶلگەن جانۋارلار تابىلعان جەردەن سۋ مەن اۋا سىناماسىن الدى. زەرتتەۋ نەتيجەسٸ بٸر اي ٸشٸندە جارييالانادى.
قازٸر بالىق ينسپەكتسيياسى جاعالاۋ ايماعى مەن كاسپيي تەڭٸزٸنٸڭ باسقا بٶلٸكتەرٸندە مونيتورينگجٷرگٸزٸپ جاتىر.
ەسكە سالا كەتەيٸك, بيىل سەۋٸر ايىنىڭ سوڭىندا تٷپقاراعان اۋدانىندا كاسپيي تەڭٸزٸنٸڭ جاعالاۋىنان 97 يتبالىقتىڭ ٶلەكسەسٸ تابىلعان بولاتىن.
