Atyraý oblysyndaǵy rezervatqa qoqiqazdar ushyp keldi, dep habarlaidy QazAqparat.
«Aqjaiyq» memlekettik tabiǵi rezervatynyń ornitology Ilia Bofonovtyń aitýynsha, qoqiqazdar Kaspii teńiziniń jaǵalaýynda baiqalǵan.
«Bul qus jyl saiyn kúzde rezervat aýmaǵy arqyly ushady. Keide óte kóp jinalady. Qyzǵylt qoqiqazdar Ońtústik Iran, Irak, Úndistan, Frantsiia men Afrika elderine deiin ushady. Sol sebepten, bizdiń rezervattyń aýmaǵyna aialdap, demalady ári qorektenedi. Bir ereksheligi, qoqiqazdar baǵytyn eshqashan ózgertpeidi» - deidi Ilia Bofonov.
Onyń deregine súiensek, «Aqjaiyq» memlekettik tabiǵi rezervaty Úkimettiń 2009 jylǵy 6 aqpandaǵy qaýlysymen qurylǵan. 2009 jylǵy 1 sáýirde Jaiyq ózeniniń Kaspii teńizine quiar saǵasyndaǵy rezervat aýmaǵy halyqaralyq mańyzy bar sýly-batpaqty alqaptar tizimine engizilgen.
