اتىراۋ وبلىسىنداعى رەزەرۆاتقا قوقيقازدار ۇشىپ كەلدٸ, دەپ حابارلايدى قازاقپارات.
«اقجايىق» مەملەكەتتٸك تابيعي رەزەرۆاتىنىڭ ورنيتولوگى يليا بوفونوۆتىڭ ايتۋىنشا, قوقيقازدار كاسپيي تەڭٸزٸنٸڭ جاعالاۋىندا بايقالعان.
«بۇل قۇس جىل سايىن كٷزدە رەزەرۆات اۋماعى ارقىلى ۇشادى. كەيدە ٶتە كٶپ جينالادى. قىزعىلت قوقيقازدار وڭتٷستٸك يران, يراك, ٷندٸستان, فرانتسييا مەن افريكا ەلدەرٸنە دەيٸن ۇشادى. سول سەبەپتەن, بٸزدٸڭ رەزەرۆاتتىڭ اۋماعىنا ايالداپ, دەمالادى ەرٸ قورەكتەنەدٸ. بٸر ەرەكشەلٸگٸ, قوقيقازدار باعىتىن ەشقاشان ٶزگەرتپەيدٸ» - دەيدٸ يليا بوفونوۆ.
ونىڭ دەرەگٸنە سٷيەنسەك, «اقجايىق» مەملەكەتتٸك تابيعي رەزەرۆاتى ٷكٸمەتتٸڭ 2009 جىلعى 6 اقپانداعى قاۋلىسىمەن قۇرىلعان. 2009 جىلعى 1 سەۋٸردە جايىق ٶزەنٸنٸڭ كاسپيي تەڭٸزٸنە قۇيار ساعاسىنداعى رەزەرۆات اۋماعى حالىقارالىق ماڭىزى بار سۋلى-باتپاقتى القاپتار تٸزٸمٸنە ەنگٸزٸلگەن.
