Shekara qyzmetiniń Atyraý, Mańǵystaý jáne Batys Qazaqstan oblysy boiynsha aýmaqtyq bólimsheleri zańsyz balyq aýlaýdy kásip qylǵan brakonerlerdiń zańsyz áreketiniń aldyn alý úshin kólemdi operatsiia ótkizip jatyr, dep habarlaidy "Ult aqparat" Ulttyq qaýipsizdik komitetiniń baspasóz qyzmetine silteme jasap.
2020 jylǵy 1-24 sáýir aralyǵynda teńizshi-shekarashylar Kaspii teńizinde 33 shaǵyn júzý kemesinen 57 quqyq buzýshyny ustady. 190 shaqyrymnan astam brakonerlik aý, «kallada» tárizdi qarmaqty torkóz tárkilendi.
«Jedel is-shara nátijesinde 1 239 915 teńge somasynda aiyppul salyndy. Barlyǵy 679 bekire men 4 235 erekshe asyl tuqymdy balyq túrleri teńizge jiberildi. Memleketke 1 mlrd teńgege jýyq shyǵyn keltirýdiń aldy alyndy» delingen habarlamada .
Teńiz shekarashylarynyń operatsiiasy jalǵasýda.
