Kaspii teńiziniń jaǵalaýynda bir adam qutqarylyp, úsh adam sýǵa batyp qaza boldy, - dep habarlaidy Tengrinews.kz tilshisi Mańǵystaý oblysy TJD baspasóz qyzmetine silteme jasap.
Vedomstvo baspasóz qyzmetiniń habaryna qaraǵanda, 2022 jylǵy 16 mamyr saǵat 18.32-de Aqtaýda Kaspii teńiziniń jaǵalaýynda sýǵa shomylý kezinde 4 adam sýǵa batyp ketken.
"Olardyń bireýin oqiǵa kýágeri qutqaryp, Apattar meditsinasy ortalyǵynyń brigadasy aýrýhanaǵa jetkizdi. Al qalǵan úsheýi sýǵa batyp ketti. Qutqarylǵan adam 1996 jyly týǵan, Beineý aýlynyń turǵyny. Jaǵdaiy qanaǵattanarlyq. Sýǵa batyp ketkenderdiń biri 1999 jyly týǵan, Aqtaý qalasynyń turǵyny. Qalǵan ekeýi Qaraǵandy qalasynyń turǵyndary. Saǵat 19.58-de Qaraǵandy qalasynyń turǵyndarynyń biriniń jansyz denesi sýdan shyǵaryldy", - delingen habarlamada.
TJ ornynda Mańǵystaý oblysy TJD Jedel-qutqarý jasaǵynyń 10 qutqarýshysy jáne 2 birlik tehnikasy, TJD 11 qyzmetkeri, Apattar meditsinasy ortalyǵynyń 3 dárigeri jáne 1 birlik tehnikasy jumys júrgizgeni atap ótildi.
"Mańǵystaý oblysy TJD azamattarǵa sýdaǵy qarapaiym qaýipsizdik erejelerin saqtaýǵa keńes beredi", - dedi vedomstvo ókilderi.
