كاسپيي تەڭٸزٸنٸڭ جاعالاۋىندا بٸر ادام قۇتقارىلىپ, ٷش ادام سۋعا باتىپ قازا بولدى, - دەپ حابارلايدى Tengrinews.kz تٸلشٸسٸ ماڭعىستاۋ وبلىسى تجد باسپاسٶز قىزمەتٸنە سٸلتەمە جاساپ.
ۆەدومستۆو باسپاسٶز قىزمەتٸنٸڭ حابارىنا قاراعاندا, 2022 جىلعى 16 مامىر ساعات 18.32-دە اقتاۋدا كاسپيي تەڭٸزٸنٸڭ جاعالاۋىندا سۋعا شومىلۋ كەزٸندە 4 ادام سۋعا باتىپ كەتكەن.
"ولاردىڭ بٸرەۋٸن وقيعا كۋەگەرٸ قۇتقارىپ, اپاتتار مەديتسيناسى ورتالىعىنىڭ بريگاداسى اۋرۋحاناعا جەتكٸزدٸ. ال قالعان ٷشەۋٸ سۋعا باتىپ كەتتٸ. قۇتقارىلعان ادام 1996 جىلى تۋعان, بەينەۋ اۋلىنىڭ تۇرعىنى. جاعدايى قاناعاتتانارلىق. سۋعا باتىپ كەتكەندەردٸڭ بٸرٸ 1999 جىلى تۋعان, اقتاۋ قالاسىنىڭ تۇرعىنى. قالعان ەكەۋٸ قاراعاندى قالاسىنىڭ تۇرعىندارى. ساعات 19.58-دە قاراعاندى قالاسىنىڭ تۇرعىندارىنىڭ بٸرٸنٸڭ جانسىز دەنەسٸ سۋدان شىعارىلدى", - دەلٸنگەن حابارلامادا.
تج ورنىندا ماڭعىستاۋ وبلىسى تجد جەدەل-قۇتقارۋ جاساعىنىڭ 10 قۇتقارۋشىسى جەنە 2 بٸرلٸك تەحنيكاسى, تجد 11 قىزمەتكەرٸ, اپاتتار مەديتسيناسى ورتالىعىنىڭ 3 دەرٸگەرٸ جەنە 1 بٸرلٸك تەحنيكاسى جۇمىس جٷرگٸزگەنٸ اتاپ ٶتٸلدٸ.
"ماڭعىستاۋ وبلىسى تجد ازاماتتارعا سۋداعى قاراپايىم قاۋٸپسٸزدٸك ەرەجەلەرٸن ساقتاۋعا كەڭەس بەرەدٸ", - دەدٸ ۆەدومستۆو ٶكٸلدەرٸ.
