Kaspiidegi daýylǵa qaramastan «Sarbaz» shekara korabli Kendirli shyǵanaǵyndaǵy paromnan nasqasty jedel Jańaózen qalalyq aýrýhanasyna jekizdi, dep habarlaidy "Ult aqparat" UQK Shekara qyzmeti baspasóz qyzmetine silteme jasap.
«31 jeltoqsanda qolaisyz aýa raiy jaǵdaiynda Mańǵystaý oblysy boiynsha UQK Shekara qyzmeti departamentiniń Shekara korablderi men katerleri Aqtaý divizionynyń «Sarbaz» shekara korabliniń ekipajy úshinshi dárejeli kapitany A.K. Ahmetchannyń basqarýymen Túrkiia azamatyn Ázerbaijan Respýblikasynyń «Akademik Gasan Áliev» paromynan Kendirli shyǵanaǵy aýdanynda qutqarý operatsiiasyn ótkizdi.
«SOS» kómegi týraly signal Ázerbaijan kemesiniń komandirinen radiodan tústi. Ázerbaijan Respýblikasynyń Aqtaý qalasyndaǵy konsýldyq qyzmeti qiyn jaǵdai faktisin rastady.
Naýqastyń jaǵdaiy aýyr dep baǵalandy, jedel soqyrishek diagnozy qoiyldy», delingen habarlamada.
Teńiz shekarashylary habar alǵannan keiin birden paromǵa qarai bet aldy, 2 metrden asatyn tolqynmen jáne qatty jelge qarsy júzýge týra kelken.
«4 saǵat ishinde shekara kemesiniń ekipajy paromnan naýqasty ala almady. Keme komandiri naýqasty «Sarbaz» shekara kemesiniń borttyq kemesine qaita alý týraly qaýipti sheshim qabyldady. Gidrotehnikalyq qurylystardyń alystyǵyna jáne Quryq portynda ailaqqa jaqyndaý múmkin emestigine bailanysty leitenant J.J. Iksatov bastaǵan bort kateriniń ekipajy naýqas jolaýshymen birge eń tóte jolmen júzý jáne jabdyqtalmaǵan jaǵalaýǵa shyǵý jóninde sheshim qabyldaýǵa májbúr boldy», delingen habarlamada.
Daýylǵa qaramastan bir saǵat ishinde kater naýqasty jaǵaǵa jetkizdi, onda ony «Kendirli» shekara bólimshesiniń áskeri qyzmetshileri men jedel meditsinalyq járdem dárigerleri kútip aldy. Jalpy alǵanda, qutqarý operatsiiasy 6 saǵatqa sozyldy.
«Jańaózen qalalyq aýrýhanasynda naýqasqa «Perfarativti asqazan jarasy» diagnozy qoiylyp, shuǵyl ota jasaldy. Shekarashylardyń sheber jáne batyl áreketiniń, meditsinalyq kómektiń arqasynda sheteldik azamattyń ómiri saqtaldy. Ázerbaijan Respýblikasynyń konsýldyǵy qazaqstandyq shekarashylarǵa jolaýshyny ýaqytyly jáne sheber is-áreketterimen qutqarǵany úshin alǵys bildirdi», delingen habarlamada.
