Kaspii teńizinde brakonerler qurǵan aýǵa túsip qalǵan 21 itbalyq bosatyldy. Bul týraly Shekara qyzmetiniń brakonerlikpen kúres sharalarynda málim etildi, dep habarlaidy "Ult aqparat" UQK baspasózqyzmetine silteme jasap.
1 sáýirden bastap UQK Shekara qyzmetiniń Mańǵystaý jáne Atyraý oblystary boiynsha departamentteri Kaspii teńizi akvatoriiasynda júzýdiń qolaily rejimin qoldaý, brakonerliktiń jolyn kesý jáne sý biologiialyq resýrstaryn qorǵaý boiynsha birlesken jedel-profilaktikalyq is-sharalardy júrgizdi.
«Shekarashylar memlekettik shekara rejimin buzǵan 56 adamdy, aýmaqtyq jáne ishki sý rejimin buzǵan 85 adamdy ustady, syiymdylyǵy ártúrli 43 júzý quralyn, 220 myń metrden astam (220 shaqyrym!) tárkiledi. Brakonerlik aýdan 420-dan astam bekire tuqymdas balyq, 11 040-tan astam usaq balyq jáne 21 itbalyq shyǵaryldy», delingen habarlamada.
Vedomstvo baspasóz qyzmetiniń málimetinshe, 820 million teńgeden astam somaǵa ekonomikalyq zalaldyń aldy aldy, quqyq buzýshylarǵa 3,5 mln.teńgeden astam somaǵa ákimshilik aiyppul salynǵan.
