Foto: videodan kadr
Mańǵystaýda eki myńǵa jýyq óli itbalyq tabyldy. Bul týraly Jaiyq-Kaspii basseindik inspektsiiasy 24 qazan men 18 qarasha aralyǵynda Kaspii teńizi jaǵalaýyn tekserý kezinde málimdedi, dep habarlaidy Ult.kz.
Tolyǵyraq aqparatty Lada jariialady. Túpqaraǵan aýdanynda 1155 ólekseniń, al Qulaly, Morskoi, Podgornyi, Novyi araldarynda jáne Qarajanbas pen Qalamqas aýdandarynda 834 ólekseniń tabylǵany habarlandy. Barlyǵy 1989 itbalyqtyń óleksesi anyqtaldy.
Ólekseler qatty ydyraǵandyqtan, patologoanatomiialyq taldaý jasaý úshin úlgilerdi alý múmkin bolmady. Gidrobiologiia jáne ekologiia institýtynyń zertteýshisi Ásel Baimuqanova itbalyqtardyń jappai qyrylýynyń sebebi teńiz ortasynyń lastanýy bolýy múmkin ekenin aitty.
Balyq sharýashylyǵy komitetiniń málimdeýinshe, bul jaǵdai sýasty jer silkinisinen keiin tabiǵi gazdyń bólinýimen bailanysty bolýy múmkin.
"Ǵylymi uiymdar zertteý júrgizý úshin ishki organdardyń tinderinen, azý tisterinen jáne teriasty maiynan úlgiler aldy. Naqty sebepter zertteýler aiaqtalǵannan keiin belgili bolady. Bul protsess úsh-tórt aiǵa sozylýy múmkin", — dep habarlady inspektsiia ókilderi.
Infektsiialyq aýrýlarǵa tekseris júrgizildi. Pasterellez, qus tumaýy, etqorektiler obasy, salmonellez jáne listerioz siiaqty aýrýlar anyqtalmady. Zertteýler jalǵasýda.
