فوتو: ۆيدەودان كادر
ماڭعىستاۋدا ەكٸ مىڭعا جۋىق ٶلٸ يتبالىق تابىلدى. بۇل تۋرالى جايىق-كاسپيي باسسەيندٸك ينسپەكتسيياسى 24 قازان مەن 18 قاراشا ارالىعىندا كاسپيي تەڭٸزٸ جاعالاۋىن تەكسەرۋ كەزٸندە مەلٸمدەدٸ, دەپ حابارلايدى Ult.kz.
تولىعىراق اقپاراتتى Lada جارييالادى. تٷپقاراعان اۋدانىندا 1155 ٶلەكسەنٸڭ, ال قۇلالى, مورسكوي, پودگورنىي, نوۆىي ارالدارىندا جەنە قاراجانباس پەن قالامقاس اۋداندارىندا 834 ٶلەكسەنٸڭ تابىلعانى حابارلاندى. بارلىعى 1989 يتبالىقتىڭ ٶلەكسەسٸ انىقتالدى.
ٶلەكسەلەر قاتتى ىدىراعاندىقتان, پاتولوگواناتومييالىق تالداۋ جاساۋ ٷشٸن ٷلگٸلەردٸ الۋ مٷمكٸن بولمادى. گيدروبيولوگييا جەنە ەكولوگييا ينستيتۋتىنىڭ زەرتتەۋشٸسٸ ەسەل بايمۇقانوۆا يتبالىقتاردىڭ جاپپاي قىرىلۋىنىڭ سەبەبٸ تەڭٸز ورتاسىنىڭ لاستانۋى بولۋى مٷمكٸن ەكەنٸن ايتتى.
بالىق شارۋاشىلىعى كوميتەتٸنٸڭ مەلٸمدەۋٸنشە, بۇل جاعداي سۋاستى جەر سٸلكٸنٸسٸنەن كەيٸن تابيعي گازدىڭ بٶلٸنۋٸمەن بايلانىستى بولۋى مٷمكٸن.
"عىلىمي ۇيىمدار زەرتتەۋ جٷرگٸزۋ ٷشٸن ٸشكٸ ورگانداردىڭ تٸندەرٸنەن, ازۋ تٸستەرٸنەن جەنە تەرٸاستى مايىنان ٷلگٸلەر الدى. ناقتى سەبەپتەر زەرتتەۋلەر اياقتالعاننان كەيٸن بەلگٸلٸ بولادى. بۇل پروتسەسس ٷش-تٶرت ايعا سوزىلۋى مٷمكٸن", — دەپ حابارلادى ينسپەكتسييا ٶكٸلدەرٸ.
ينفەكتسييالىق اۋرۋلارعا تەكسەرٸس جٷرگٸزٸلدٸ. پاستەرەللەز, قۇس تۇماۋى, ەتقورەكتٸلەر وباسى, سالمونەللەز جەنە ليستەريوز سيياقتى اۋرۋلار انىقتالمادى. زەرتتەۋلەر جالعاسۋدا.
