Kaspii qubyr konsortsiýmyndaǵy apattan kelgen shyǵyn 100-150 mlrd teńge kóleminde baǵalanyp otyr. QR Premer-Ministriniń orynbasary – Qarjy ministri Erulan Jamaýbaev Úkimet otyrysynan kein BAQ ókilderine bergen suhbatynda osyndai málimet aitty, dep habarlaidy QazAqparat.
«Qazirgi kezeńde naqty sandy ekshim aita almaidy. Óitkeni bári kelgen aqaýdyń qansha ýaqytta joiylatynyna, sanktsiialar ári qarai jalǵasa ma, soǵan bailanysty. Al jalpy shyǵyn 100-150 milliard teńge sheginde baǵalanyp otyr. Eger aqaý tezirek joiylsa, shyǵyn da sáikesinshe az bolady. 100-150 mlrd teńge shegi degende Kaspii qubyr konsortsiýmy týraly ǵana aityp turmyn», - dedi Erulan Jamaýbaev.
Buǵan deiin Kaspii qubyr konsortsiýmyn qalpyna keltirý jumystarynyń jaǵdaiyna bailanysty sáýir aiynyń sońyna deiingi jóndeý kezeńinde Qazaqstannyń joǵalǵan óndiris kólemi shamamen táýligine 320 myń barreldi (1,3 mln tonna) quraýy múmkin ekeni aitylǵan.
