كاسپيي قۇبىر كونسورتسيۋمىنداعى اپاتتان كەلگەن شىعىن 100-150 ملرد تەڭگە كٶلەمٸندە باعالانىپ وتىر. قر پرەمەر-مينيسترٸنٸڭ ورىنباسارى – قارجى مينيسترٸ ەرۇلان جاماۋباەۆ ٷكٸمەت وتىرىسىنان كەين باق ٶكٸلدەرٸنە بەرگەن سۇحباتىندا وسىنداي مەلٸمەت ايتتى, دەپ حابارلايدى قازاقپارات.
«قازٸرگٸ كەزەڭدە ناقتى ساندى ەكشٸم ايتا المايدى. ٶيتكەنٸ بەرٸ كەلگەن اقاۋدىڭ قانشا ۋاقىتتا جويىلاتىنىنا, سانكتسييالار ەرٸ قاراي جالعاسا ما, سوعان بايلانىستى. ال جالپى شىعىن 100-150 ميلليارد تەڭگە شەگٸندە باعالانىپ وتىر. ەگەر اقاۋ تەزٸرەك جويىلسا, شىعىن دا سەيكەسٸنشە از بولادى. 100-150 ملرد تەڭگە شەگٸ دەگەندە كاسپيي قۇبىر كونسورتسيۋمى تۋرالى عانا ايتىپ تۇرمىن», - دەدٸ ەرۇلان جاماۋباەۆ.
بۇعان دەيٸن كاسپيي قۇبىر كونسورتسيۋمىن قالپىنا كەلتٸرۋ جۇمىستارىنىڭ جاعدايىنا بايلانىستى سەۋٸر ايىنىڭ سوڭىنا دەيٸنگٸ جٶندەۋ كەزەڭٸندە قازاقستاننىڭ جوعالعان ٶندٸرٸس كٶلەمٸ شامامەن تەۋلٸگٸنە 320 مىڭ باررەلدٸ (1,3 ملن توننا) قۇراۋى مٷمكٸن ەكەنٸ ايتىلعان.
