Kaspii qubyr konsortsiýmy boiynsha jóndeý jumystary ázirge bastalmady. Bul týraly Energetika ministri Bolat Aqsholaqov aitty, dep habarlaidy QazAqparat.
«Kaspii qubyr konsortsiýmy boiynsha jóndeý jumystary ázirge bastalmady. Reseilik áriptesterimiz aýa raiyna bailanysty teńizdiń túbine túsýge múmkin bolmai turǵanyn aityp jatyr. Sol bepti olar sáýir aiynyń ishinde búkil jumystardy aiaqtaýǵa barlyq múmkindigin salatynyn ýáde berip otyr. Atap aitqanda, atqarylatyn jumystar anyqtaldy. Degenmen, jumysshylar brigadasy sýdaǵy jumystardy júrgize almai jatyr», - dedi Aqsholaqov Májiliste tilshiler saýalyna jaýap bere otyryp.
Osy oraida ol aldaǵy aptada reseilik áriptesterimen kelissóz júrgizýdi josparlap otyrǵanyn aitty.
Qazaqstandyq delegatsiia Reseige baryp, konsýltatsiia júrgizedi.
«Sonymen qatar, jóndeý jumystaryn júrgizetin mamandar da kerek. Sondyqtan konsýltatsiia tehnikalyq mamandar basshylyǵy deńgeiinde júrip jatyr. Bizdiń mamandar tiisti kezdesý ótkizý úshin Máskeýge bardy. Qosymsha aqparatty taǵy da habarlaimyn», - dedi vedomstvo basshysy.
